Madrugadores Pedrouzos

Despedimos o curso

Dende Madrugadorxs Pedrouzos queremos despedirnos de todos e todas, despois de todo un curso repletiño de diversión, xogos, actividades e moitos enredos, e todo iso rodeado de uns bos almorzos saudables, só nos queda desexarvos  unhas marabillosas vacacións de verán e dicirvos que nos vemos en setembro con enerxías renovadas familias!

Chega a primavera a Pedrouzos

Co bo tempo destes últimos días tivo lugar unha auténtica explosión primaveral en Madrugadorxs Pedrouzos. A través dun gran mural foron entrando todo tipo de formas e unha chea de cores… paxariños, bolboretas, flores e árbores, arcos da vella…

Así, con esta alegre decoración demos comezo a  esta estación que tanto nos gusta e tamén as vacacións de Semana Santa!!!

A volta seguiremos animando con máis ideas o noso espazo de primavera😉

Unha mensaxe chea de concienciación dende Madrugadorxs Pedrouzos!

Facendo homenaxe ó 25N vai dedicado este bonito cartel colaborativo feito pola cativada de Madrugadorxs Pedrouzos,reflectindo a idea da eliminación de estereotipos e etiquetas e recordando o valor do respecto na diversidade,así como a negación cara a violencia de calquera tipo.

Os vampiros cobran vida en Pedrouzos!

Xa chega o Samaín e con esta festividade a terrorífica sorpresiña que durante estes últimos días andivo a preparar a cativada en Madrugadorxs Pedrouzos: un arrepiante desfile de orixinais vampiros!!!

Pero non teñades medo amig@s…. que ainda que vos resulten algo aterradores… son totalmente inofensivos!

E dende logo máis que preparad@s, para pasar unha divertida ponte de Samaín!

Ata pronto!