CREAMOS UN REFRANEIRO… PARA NON PERDER A MEMORIA!

Nos talleres de memoria de Valga, durante estes meses, estivemos elaborando un refraneiro. Utilizando diversos materiais, creamos o noso propio libro, que “cosemos” á man con lá, decorámolo e enchémolo de refráns que fomos recordando e recollendo, co fin de que podan perdurar no tempo e ensinarllos ás novas xeracións.

Ademais disto, traballamos en matemáticas a través de exercicios de cálculo mental e problemas da vida cotiá, e tamén abordamos as letras mediante fichas e xogos como o “titifruti”, no que practicamos a axilidade mental, vocabulario e ortografía, mentres desfrutamos de momentos agradables de risas.